قصه واقعيه

قصه واقعيه ومؤلمه فعلآ
"سعودي وكويتي"
كان في سعودي وكويتي زملاء يدرسون في بريطانيا وبعد انتها فترة الدراسة قرروا يرجعون لأهلهم فقال الكويتي للسعودي قبل ماتروح للسعودية تعال معي للكويت وبعدها روح للسعودية فوافق السعودي وهم في الطيارة رايحين للكويت دق أخو الكويتي من الكويت وقال له أن جدتي توفت فقال الكويتي لأخوه أنا معي زميلي من السعودية وعازمه فلا تقولون له شي حتى مايضيق صدره ولا أحرجه نصلي على الجنازة وكنها لأحد من جماعتنا لما وصلوا صلوا على الجنازة وقعد السعودي مدة في الكويت وأعجب ببنت جيران الكويتي وقال لزميله إني ودي أتزوجها فراح الكويتي وقال أنا مستعد أخطبها لك وفعلا خطبها له وخبر السعودي أهله وسووا الزواج ورجع السعودي لديرته وبعد مدة طويلة كبيرة تاجر السعودي وطلع تاجر وغني والكويتي خسر كل أمواله وتجارته فقال مالي إلا أروح لصديقي السعودي أكيد يساعدني وفعلا راح للسعودية وهو منتظر شوفة زميله بفارغ الصبر لما سأل عنه ووصل لبيته صار مو بيت صار قصر وكان الوقت متأخر فقال للبواب قل لراعي البيت أن زميلك من الكويت فلان بن فلان عند الباب وأنه محتاجك مرة مرة وأن حالته كذا وكذا وبعد مارجع البواب عطى الكويتي فضلة عشا السعودي تخيلوا فضاق صدر الكويتي وقال هذا جزا الصداقة المهم وهو راجع في الطريق لقى شخصين (من رجال الأعمال) يتراهنون على مليون ريال اللي بيجيهم أول بيعطونه المليون وكان من حظ الكويتي أنه هو اللي جاهم الأول وأخذ المليون وتاجر بها في السعودية وقبل مايرجع للكويت لقى عجوز معاها بنت وقالت له العجوز أبي أخلي البنت عندك وأروح أحج إذا مارجعت تزوجها وخلها عند أهلها لما طولت العجوز بعد الحج تزوجها وسووا حفلة الزواج بالكويت وفي أثناء الزواج كان من ضمن المدعوين زميله السعودي لما شافه الكويتي غضب وقال للحظور اطردوه هذا خاين العشرة والصداقة تخيلوا أنه لما جا معي للكويت كانت جدتي ميته ماعلمته عشان ما يضيق صدره علي وخطبت له بنت الجيران اللي كانت في الأساس خطيبتي وفضلته على نفسي ولماجيته محتاج عطاني فضلة عشاه تدرون وش قال السعودي....؟؟؟
قال اسمعوا واحكموا علي....
أنا يوم جاني الكويتي وهو محتاج ماحبيت أشوفه على حالته هذي بعد ماكان تاجر وكبير أشوفه صغير ومحتاج وأتفضل عليه بشي من عندي عشان كذا عطيته فضلة عشاي وبالنسبة للتاجرين اللي متراهنين على مليون هذولي إخواني أنا موديهم له عشان يفكون ضيقته أما بالنسبة للعجوز اللي معاها البنت فهذي أمي والبنت هذي طبعا أختي وش رايك ما أحظر زواج أختي؟؟؟
فسامحه الكويتي وقال أعذرني لم أتوقع ذلك ياصديقي ورحب فيه في عرس أخته.....
‏ ‏ "انتهــــــــــى"

شكرا لك
على المجهود الواضح
لك مني اجمل تحية